ماعندكش وقت تقلب حتي النسكافيه؟؟

Gevalia Auto Stir Mug

انا عاوز الناس تركز معايا اوي في الموضوع ده - خصوصا بقي الناس اللي معندهاش وقت - وبأكد علي اللي معندهمش وقت عشان الموضوع ده هايفيدهم جدا ..

طبعا ياجماعة انا مش محتاج اقولكم علي الأسباب اللي ممكن تخلينا مش عاوزين نقلب النسكافيه او الشاي او اي حاجه هانشربها

ممكن مثلا مفيش جنبك معلقة في شغلك

أو مثلا مشغول بالكتابة علي الكيبورد ومش عاوز تشتت انتباهك بتقليب كوباية نسكافيه

او مشغول لدرجة ان مفيش دقيقة فاضيه تقلب فيها الشاي

أو حتي مكسل ياأخي تقلب النسكافيه .. فيها حاجة دي ؟؟

لو بتتحط في المواقف اللي فوق دي .. يبقي انا جبتكلم الحل .. تابعوا معايا

ظهر ياجماعة مج جديد بيقلب المشروب اللي بيتحط فيه اوتوماتك .. المج شيك جدا ووزنه خفيف وكمان بيحافظ علي درجة حرارة المشروب اللي بيتحط فيه كذا ساعة لأنه مصنوع من الاستانلس ستيل ومحتاج ل 3 بطاريات من الحجم العادي ( الصوباع) علشان تشتغل وتقلب المشروبات وبتيجي بعازل في القاعدة بتاعتها علشان مفيش اي سوائل تبوظها

المج ده عيبه الوحيد انه مش بيشتغل باليو إس بي .. بس لعل وعسي يظهر قريبا نوع احدث يتوصل بالكمبيوتر ويقلب المشروب اوتوماتيكيا باستخدام اليو إس بي بدلا من البطاريات

المج سعره حوالي 200 جنيه لمن يرغب في الشراء

تحياتي